Türkiyədə əsgərlər arasında kütləvi zəhərlənmə

"Ölkə.Az" xəbər verir ki, bu dəfə Manisada Piyada Təhsil Briqada Komandirliyinin hərbçiləri axşam yeməyindən sonra zəhərləniblər. Axşam yeməyindən sonra əsgərlərdə ardı-ardına qarın ağrısı və qusma halları baş verib.

Ümumilikdə 60 əsgər zəhərlənmə diaqnozu ilə xəstəxanalara aparılıb. Hərbçilərə ilkin yardım göstərilib və onları dövlət xəstəxanasına yerləşdiriblər. Hərbçilərin müalicəsi davam edir.

Hadisənin hansı səbəbdən baş verməsi araşdırılır.

Qeyd edək ki, artıq neçənci dəfədir ki, Türkiyədə əsgərlərin zəhərlənmə halları baş verir. İyunun 12-də analoji hadisə Diyarbəkir əyalətində qeydə alınmışdı. Diyarbəkir əyalətinin 7-ci korpusuna bağlı nəzarət məntəqəsində 25 əsgər qida zəhərlənməsi dioqnozu ilə xəstəxanaya yerləşdirilmişdi.

Ziya Səccad
Ölkə.Az