İraq ordusu Əl-Valid keçidini İŞİD-dən təmizlədi
İraq ordusu Suriya ilə sərhəddə yerləşən Əl-Valid keçidini İŞİD terrorçularından təmizləyib.
"Ölkə.Az" xəbər verir ki, əməliyyatı İraq ordusunun sərhəd qoşunları həyata keçirib. Əl-Valid keçid məntəqəsi ilə yanaşı, rayonun sərhəd xətti də terrorçulardan təmizlənib.
İraq ordusu bu barədə məlumatında deyir: "Sərhəd qoşunları "Yeni şəfəq" adlı genişmiqyaslı hərbi əməliyyatlara başlayıblar. Məqsəd ölkənin qərbindəki üç istiqamətdə sərhəd xəttini təmizləməkdir. Əməliyyat nəticəsində Əl-Valid keçidi və Suriya, İraq və İordaniya arasındakı sərhəd xətti təmizlənib".
Suriyada bu keçid Ət-Tanf adı ilə tanınır.
Hikmət
Ölkə.Az
