Rusiyadan İŞİD-ə ağır zərbə

"Ölkə.Az" xəbər verir ki, əməliyyat Rusiya Hərbi Hava Qüvvələri tərəfindən keçirilib. Rus qırıcıları Deyr-ez-Zor şəhərindəki İŞİD müdafiə istehkamlarını bombalayıb.

Bildirilib ki, iyunun 6-sı və 8-də endirilən hava hücumları nəticəsində terrorçuların səhra komandirləri Əbu Umar əl-Beljiki və Əbu Yasin al-Masri öldürülüb. Bundan əlavə 180 silahlı və 16 hərbi avtomobil məhv edilib.

Qeyd edək ki, İŞİD terror təşkilatı 2014-cü ildən Deyr-ez-Zor şəhərinə girib. Terrorçular 3 ildən artıqdır ki, şəhərdəki dinc əhalini mühasirədə saxlayıblar. Mühasirəni dəf etməyin yeganə çıxış yolu isə havadan zərbələr vurmaq və müdaxilə etməkdir. Rusiya Hava Qüvvələrinin qırıcıları terrorçuları bombalamaqla yanaşı dinc əhaliyə humanitar yardımlar da göndərir.

Ziya Səccad
Ölkə.Az