Türkiyədə 200-dən çox hərbçi zəhərləndi

Ölkə.Az" xəbər verir ki, Manisada Piyada Təhsil Briqada Komandirliyinin hərbçiləri axşam yeməyindən sonra zəhərləniblər. Briqadanın rəhbəri Arif Seyhun  bildirib ki, ümumilkdə 200-dən çox hərbçi zəhərlənib. Onun sözlərinə görə, ötən gün axşam yeməyindən sonra əsgərlərdə ardı-ardına qarın ağrısı və qusma halları baş verib.

“Ümumilikdə 200-dən çox hərbçi zəhərlənmə diaqnozu ilə xəstəxanalara aparılıb. Hərbçilərə ilkin yardım göstərilib və onları dövlət xəstəxanasına yerləşdiriblər. Hərbçilərin müalicəsi davam edir. Təəssüf ki, onlardan bəzilərinin vəziyyəti ağırdır”,  - deyə Arif Seyhun vurğulayıb.

Hadisənin hansı səbəbdən baş verməsi araşdırılır.

Qeyd edək ki, artıq neçənci dəfədir ki, Türkiyədə əsgərlərin zəhərlənmə halları baş verir. İyunun 12-də analoji hadisə Diyarbəkir əyalətində qeydə alınmışdı. Diyarbəkir əyalətinin 7-ci korpusuna bağlı nəzarət məntəqəsində 25 əsgər qida zəhərlənməsi dioqnozu ilə xəstəxanaya yerləşdirilmişdi.

Ziya Səccad
Ölkə.Az