Fransada turist təyyarəsi qəzaya uğradı
Fransanın cənubunda turist təyyarəsi qəzaya uğrayıb.
Ölkə.Az" xəbər verir ki, təyyarənin qəzaya uğraması nəticəsində iki nəfər ölüb. Bu barədə BFMTV kanalı məlumat yayıb.
Verilən məlumata görə, hadisə iyunun 17-də günün ikinci yarısında Tarn və Qaronna departamentinin Parizo bələdiyyəsinin ərazisində baş verib. Havada olarkən təyyarənin mühərriyi birdən-birə sönüb. Nəticədə təyyarə yerə düşüb. Qəzaya uğrayan təyyarə yanmayıb.
Qəzanın texniki səbəbdən baş verdiyi bildirilib. Lakin dəqiq səbəblər aparılacaq araşdırmalardan sonra məlum olacaq. Hadisə zamanı ölənlərin kimliyi dəqiqləşdirilir.
Faktla bağlı araşdırmalara başlanılıb.
Ziya Səccad
Ölkə.Az
