Türk əsgəri Qətərdə

"Ölkə.Az" xəbər verir ki, Qətərin müdafiə nazirliyi ilk türk hərbi birləşmələrin Tarık bin Ziyad bazasına çatdığını açıqlayıb.

 

Bəzi Körfəz ölkələrinin terroru dəstəkləmək ittihamı ilə diplomatik blokadaya aldığı Qətərə türk hərbi birləşmələri göndərilib. İki ölkənin uzun müddətdir planlaşdırılan birgə hərbi təlimlər keçirəcəyi bildirilir.

 

Qətər müdafiə nazirliyinin açıqlamasına əsasən, ilkin mərhələdə təlimlərdə iştirak etmək üçün 90 türk əsgəri hərbi bazaya yerləşdirilib.

 

Qətər və Türkiyə 2016-cı ilin aprel ayında müdafiə həcmini artırmaq və bölgədəki sabitliyi qorumaq məqsədi ilə hərbi əməkdaşlıq etmək barədə müqavilə imzalayıb.