Breksit müzakirələri başladı
Brüsseldə İngiltərənin Avropa İttifaqından ayrılmasına dair Breksit müzakirələri başlayıb.
"Ölkə.Az" xəbər verir ki, İngiltərənin Breksit naziri Devid Deyvis və Aİ Komissiyasının baş müzakirəçisi Mişel Barnier müzakirələrdən əvvəl Aİ Komissiyasının binasında mətbuat konfransı keçiriblər.
Tərəflər açıqlamalardan əvvəl İngiltərədəki hücumlara və Portuqaliyadakı meşə yanğınlarına görə təəssüf hissi keçirdiklərini bildiriblər.
Barnier deyib: "Bu gün İngiltərənin qanunlarına uyğun formada Aİ-dan ayrılmasının müzakirələrini başlayırıq". Aİ rəsmisi müzakirələrin müsbət abu-havada keçəcəyinə ümid etdiyini və hədəflərinin dəqiq olduğunu bildirib.
İngiltərəli nazir isə "Bu gün Brüsseldə Aİ ilə yeni, dərin və özəl bir ortaqlığın yaradılması üçün bir növbəti addımı atmağa gəlmişəm"-deyib.
Hikmət
Ölkə.Az
