Ağ Evdən Londonda baş verən terrorla bağlı açıqlama
ABŞ Böyük Britaniyaya baş vermiş terror aktına görə başsağlığı verib.
“Ölkə.Az" xəbər verir ki, bu barədə Ağ Evdən məlumat verilib. Verilən məlumata görə, dünən Londonda məscid yaxınlığında baş verən terror aktı barədə ölkə başçısı Donald Trampa məlumat verib. D.Tramp hadisədən kədərləndiyini bildirib.
ABŞ prezidenti Londonda baş verən terrorla bağlı istənilən köməkliyi etməyə hazır olduqlarını qeyd edib.
“Biz hadisədən kədərlənirik. ABŞ Böyük Britaniyaya istənilən köməkliyi etməyə hazırdır”, - deyə məlumatda bildirilib.
Qeyd edək ki, ötən gecə Londonda sürücü avtomobili piyadaların üstünə sürüb. Hadisə Londonun şimal-şərqində məscid yaxınlığında, möminlər gecə namazından çıxarkən baş verib. İnsident nəticəsində 1 nəfər ölüb, 10 nəfər yaralanıb. Cinayəti törədən 48 yaşlı Darren Ozborn olub.
Ziya Səccad
Ölkə.Az
