Türkiyədə sərnişin avtobusu ilə zirehli polis avtomobili toqquşdu
Türkiyədə dəhşətli yol qəzası baş verib.
“Ölkə.Az" xəbər verir ki, hadisə Diyarbəkirin Lice qəsəbəsində qeydə alınıb. Yolun 33-cü kilometrliyində xüsusi təyinatlı polisləri daşıyan zirehli avtobusla sərnişin daşıyan avtobus toqquşub.
Hadisə zamanı 20 nəfər yaralanıb. Yaralılardan 4-ü polis əməkdaşıdır. Hadisə yerinə çoxlu sayda təcili yardım göndərilib. Vəziyyəti ağır olanlar helikopterlərlə xəstəxanaya yerləşdiriliblər. Həkimlərin səyinə baxmayaraq yaralılardan 2 nəfəri ölüb.
Faktla bağlı araşdırma aparılır.
Ziya Səccad
Ölkə.Az