ABŞ-dan Rusiyaya sərt cavab

Rusiyanın "ABŞ təyyarələrini vurarıq" xəbərdarlığına ABŞ tərəfi cavab verib.

"Ölkə.Az" xəbər verir ki, bu barədə Ağ Evin mətbuat katibi Şon Spayser açıqlama verib. Spayser Suriyadakı son vəziyyəti, ABŞ və Rusiya arasındakı son gərginliyi dəyərləndirib.

Toqquşmaların artmasının bölgədəki böhranı daha dərinləşdirəcəyini bildirən Spayser qeyd edib: "Bu bölgədə olan ünsürlər arasında toqquşmaların artması heç kəsə fayda verməz".

Suriyanın mürəkkəb bir vəziyyətdə olduğuna və problemlərin daha da mürəkkəbləşdirilməməsinin lazım olduğuna diqqət çəkən mətbuat katibi "İŞİD bütün millətlərə qarşı təhlükədir. Bunun üçün birgə addımlar atmalıyıq. Bu səbəbdən ruslarla əlaqəni açıq tutmağa çalışacağıq"-deyib.

Bir mətbuat nümayəndəsinin "Ruslarla müharibənin astanasındayıq?" -sualına Şon "Xeyir, deyilik"-cavabını verib.

ABŞ baş qərargah rəisi general Cozef Danford isə Rusiyanın açıqlamasına belə cavab verib: "Hərbi qüvvələrimiz Suriyada özünü tam müdafiə edə biləcək səviyyədədir".

Hikmət
Ölkə.Az