25 yaşlı italyanın yalvarışı: \"Arvadımdan bezmişəm, məni həbsxanaya göndərin\"

"Ölkə.Az" xəbər verir ki, adıçəkilən şəxs "Arvadımdan bezmişəm, məni həbsxanaya göndərin"-deyə yalvardı. Sonra isə evdən qaçaraq məcburən özünü həbs etdirib.

Hadisə paytaxt Romada baş verib. Müntəzəm olaraq dalaşdığı həyat yoldaşı ilə birlikdə yaşamaqdan bezən şəxs ev həbsindən qaçaraq özünü həbs etdirib.

Ailədaxili münaqişə barədə məlumatlandırılan polis hadisə yerinə gəlib. Ağlayan qadın bir cinayət səbəbindən ev həbsinə məhkum edilən xarici ölkə vətəndaşı əri tərəfindən şiddətə məruz qaldığını bildirib. 25 yaşlı məhkum isə deyib: "Ev həbsi cəzası ilə yola getmədiyim arvadımla birlikdə yaşamağa məcbur edilmişəm. Artıq dözə bilmirəm. Stress içindəyəm. Xahiş edirəm, məni həbsxanaya göndərin".

Polislər isə bunun mümkünsüz olduğunu bildirəndə, məhkum qapını açaraq çölə qaçıb. Bununla isə ev həbsindən qaçdığı üçün həbs edilərək həbsxanaya göndərilib.

Hikmət
Ölkə.Az