İŞİD-in "ali müftisi" öldürülüb
ABŞ-ın rəhbərlik etdiyi beynəlxalq koalisiya qüvvələri İŞİD terror təşkilatının "ali müftisi" olan Türki al-Bin Əlini öldürüb.
“Ölkə.Az" xəbər verir ki, bu barədə koalisiya qüvvələri məlumat yayıb. Verilən məlumata görə, Bin Əli mayın 31-də keçirilən əməliyyat zamanı məhv edilib.
"Koalisiya qüvvələri mayın 31-də Suriyanın Məyadin şəhərindəki bombardmanlar nəticəsində İŞİD-in “ali müftisi” Bin Əli məhv edilib. Bin Əli əcnəbi terrorçuların qruplaşmaya cəlb olunması prosesində və dünyanın müxtəlif yerlərində terror aktlarının təşkilində yaxından iştirak edib”, - deyə məlumatda bildirilib.
Qeyd edək ki, koalisiya qüvvələri 2014-cü ildən 2017-ci il may ayına qədər 18,6 min aviazərbə endiriblər.
Ziya Səccad
Ölkə.Az