Şimali Koreya nüvə sınağına hazırlaşır
Amerika mətbuatı yeni iddia ilə çıxış edib.
"Ölkə.Az" xəbər verir ki, iddiaya əsasən Şimali Koreya yeni nüvə sınağına hazırlaşır. "CNN" telekanalının xəbərinə əsasən, Şimali Koreya fəhlələri yeraltı poliqonun girişində hansısa işləri həyata keçiriblər. ABŞ-ın casus-peykləri bu fəaliyyəti qeydə alıb.
Birləşmiş Ştatların xüsusi xidmət orqanlarının ehtimalına əsasən, rəsmi Pxenyan sınaqları ABŞ və Çinlə keçiriləcək növbəti danışıqlar ərəfəsində müəyyən məqsədlə edir.
Qeyd edək ki, üçtərəfli danışıqlar bu gün Vaşinqtonda baş tutacaq. Danışıqlarda xarici işlər nazirləri və müdafiə nazirləri iştirak edəcək.
Hikmət
Ölkə.Az
