Suriya ordusundan İŞİD-ə ağır zərbə
Suriya ordusu Dəməşqin cənub-şərq ətrafında beş rayonu terrorçulardan təmizləyib.
“Ölkə.Az" xəbər verir ki, bu barədə hökumət qüvvələrindən məlumat verilib. Verilən məlumata görə, ordu terrorçuları hava dəstəyi və ağır artilleriya ilə sıxışdırıb.
“Hazırda Suriya ordusu Dəməşqdə 5 rayona nəzarəti əlinə alıb. İŞİD terror təşkilatının oradakı gizlin mövqeyləri dağıdılıb. Onların çoxlu sayda canlı qüvvəsi və hərbi texnikası məhv edilib”, - deyə məlumatda bildirilib.
Məlumatda əlavə edilib ki, terrorçular çox sayda sursatı orada qoyaraq qaçıblar.
Qeyd edək ki, artıq iki gündür ki, Dəməşqdə ağır döyüşlər gedir. Bu gün səhər Suriya ordusu hücuma keçmişdi.
Ziya Səccad
Ölkə.Az
