Müstəqillik referendumundan vaz keçməyən Bərzani hədələdi

"Ölkə.Az" xəbər verir ki, kürd lideri eyni zamanda bildirib ki, əgər bu referendumun əleyhinə çıxılsa, qanlı bir müharibə ola bilər.

"France 24" kanalına müsahibə verən Bərzani 25 sentyabrda müstəqillik referendumu keçiriləcəyini xatırladıb.  Bu referendumun dəfələrlə təxirə salındığını bildirən Bərzani deyib: "Bütün problemləri həll edək bölgədə sabitlik bərpa olunar deyərək gözləsək, çox güman ki uzun illər gözləməli olacağıq. Yəqin ki, referendum üçün vaxt təyin etmə məsələsində uğur əldə edə bilməyəcəyik".

Kürd lideri referendumun ləğv edilməyəcəyini də vurğulayıb: "Bu qərar ləğv edilə bilməz. Bu qərar qəbul edilib. 25 sentyabr referendum günüdür".

Bərzani davam edib: "Bölgəsəl hökumət və mərkəzi hökumət arasındakı vəziyyət davam edə bilməz. Qan gölündən qaçmaq üçün əlimizdən gələn hər şeyi etməliyik. Əgər bir yerdə müharibə olacaqsa, çox ölümcül bir savaş olacaq".

Hikmət
Ölkə.Az