Lavrov və Tillerson Rusiyaya qarşı tətbiq edilən sanksiyaları müzakirə ediblər

"Ölkə.Az" xəbər verir ki, rusiyalı diplomat ABŞ-ın Rusiyaya qarşı sanksiyalar tətbiq etməsinə etirazlarını bildiriblər. İki ölkə nümayəndəsi Rusiyaya qarşı tətbiq edilən sanksiyaları müzakirə ediblər.

Qeyd edək ki, Amerika Rusiyaya qarşı yeni sanksiyalar qəbul edib. ABŞ hökuməti Donbasdakı vəziyyətlə bağlı Rusiya və Ukraynanın 38 iş adamına qarşı yeni sanksiyalar tətbiq edib. ABŞ hökumətini düşünür ki, bu sanksiyalar Rusiyaya təzyiqi qoruyub saxlayacaq.

Xatırladaq ki, Rusiya ilə Qərbin münasibətləri 2014-cü ildə Ukrayna-Krım məsələsinə görə pisləşdi. ABŞ və Avropa Birliyi Rusiyaya qarş sanksiyalar tətbiq etməyə başladı. ABŞ-ın 44-cü prezidenti Barak Obama hakimiyyətinin son günlərində Rusiyaya qarşı ardı-ardına 100-ə yaxın sanksiyalar tətbiq edib. Rusiya hökuməti isə ABŞ-ın 45-ci prezidenti Donald Trampın həmin sanksiyaları yüngülləşdirəcəyi, yaxud ləğv edəcəyi barədə ümid etsələr də, son baş verənlər Putin hakimiyyətinin bu arzusunu “ürəyində” qoydu.

Ziya Səccad
Ölkə.Az