Azərbaycanlı hakim Çempionlar Liqasına təyinat alıb

"Ölkə.Az"ın AFFA-nın rəsmi saytına istinadən məlumatına görə, Rəhim Həsənov və Ömər Paşayevdən sonra digər FİFA referimiz Əliyar Ağayev də beynəlxalq arenada oyun idarə edəcək.
 
Avropa Liqasına təyinat alan həmkarlarından fərqli, Ağayev Çempionlar Liqasında ədalət təmsilçisi olacaq. Qitə futbol qurumu Çempionlar Liqasının II təsnifat mərhələsi çərçivəsində iyulun 18-də və ya 19-da keçiriləcək “Rusenborq” (Norveç) – “Dundalk” (İrlandiya) oyununu məhz Ağayevə həvalə edib.
 
Norveçdəki görüşdə ona Zeynal Zeynalov və Rza Məmmədov kömək edəcəklər. Qarşılaşmanın dördüncü hakim funksiyasını isə Orxan Məmmədov yerinə yetirəcək.