Ağ Evdən Trampla Putinin görüşü barədə açıqlama
Ağ Ev Rusiya prezidenti Vladimir Putinin ABŞ-ın dövlət başçısı Donald Trampla “G-20” sammitində görüşəcəyini istisna etmir.
"Ölkə.Az" xəbər verir ki, bu barədə Ağ Ev rəsmisi Şon Spayser bildirib. O, brifinqdə bildirib ki, ABŞ və Rusiya prezidentləri iyulun 7-8-də Almaniyanın Hamburq şəhərində görüşə bilər.
“Görüşün keçirilməsini istisna etmirik. Lakin hər şey Rusiyanın problemləri həll etmək əzmində olmasından asılıdır. Bu baş versə, görüşün keçirilməsini istəyərdik”, - deyə Ş.Spayser bildirib.
Bununla yanaşı, Spayser qeyd edib ki, Vaşinqton Moskva ilə üç sahədə əməkdaşlıq etmək istəyir.
Qeyd edək ki, “G20” sammiti iyulun 7-8-də Almaniyanın Hamburq şəhərində keçiriləcək.
Ziya Səccad
Ölkə.Az
