Gülyazdan Tolikə CAVAB
Xalq artisti Gülyaz Məmmədova prodüser Tolikin xalq artisti Könül Xasıyeva ilə şəkil çəkdirib paylaşmasıyla bağlı statusuna cavab verib.
G.Məmmədova "Ölkə.Az"-a açıqlamasında bildirib ki, Xasıyeva yanına gələnlərdən heç nə ummur:
"Könül xanımın heç kimin yardımına ehtiyacı yoxdur. O, yanına gələnlərdən heç nə ummur. Narahat olduğu üçün hər dəqiqə yanına getmək olmur. Şəkil də onun istəyi ilə çəkilir. Məcbur demirlər ki, ay Könül, gəl şəkil çəkdirək. Gülyanaq mənə dedi ki, fotonu səhifəmdə paylaşaq. Tələbəm Kamilə Nəbiyevanın istəyi ilə dördümüz foto çəkdirdik. Burada nə var ki? Fəxr duyur ki, xalq artistiylə şəkli var. O şəkil də Könül xanımın öz istəyi ilə çəkilib. Bildirmək istədi ki, xəstəxanadayam, dövlət yanımdadır, həkimlər qulluğumdadır".
Qeyd edək ki, Tolik sosial şəbəkədə K.Xasıyeva ilə şəkil çəkdirib hesablarında paylaşanları qınamışdı.
İntiqam VALEHOĞLU
Ölkə.Az
