Kolumbiyada batan turist gəmisində olanlardan 133 nəfər xilas edilib

"Ölkə.Az" xəbər verir ki, bu barədə yerli xilasetmə (UNGRD) xidmətindən bildirilib. Verilən məlumata görə, gəmidə olanlardan 133 nəfər xilas edilib, 16 nəfər isə itkin düşüb. Turist gəmisinin batması nəticəsində ölənlərin sayı 9 nəfərə çatıb.

Bundan əvvəl bildirilmişdi ki, batan gəmidə olanlardan 122 nəfər xilas edilib.

Qeyd edək ki, Kolumbiyada göyərtəsində 150 turist olan gəmi batıb. Hadisə ölkənin şimal-qərbində, Quatape şəhəri yaxınlığında baş verib. İlkin ehtimala görə, hadisəyə gəminin həddən artıq yüklənməsi səbəb olub. Həmçinin göyərtəsində 150 sərnişin olan gəmidə xilasedici jiletlər olmayıb.

Ziya Səccad
Ölkə.Az