Obama hind quşlarını əfv etdi

Çiz və Mak adlı hind quşları Milli Şükranlıq Gününun hind quşları adına layiq görülüblər.

Ölkə.Az xəbər verir ki, ABŞ prezidenti Barak Obama Ağ Evdə təşkil edilən Şükranlıq Günü mərasimində Çiz və Mak ləqəbli iki hind quşunu ölümdən qurtardı. Amerikalıların internet vasitəsilə qatıldıqları anketlə seçilən Çiz və Mak adlı hind quşları Milli Şükranlıq Gününun hind quşları adına layiq görülüblər. Hind toyuğunun təqdim edilməsi mərasiminin 67-ci ildönümündə Obama Amerika xalqını təbrik edərək, 20 həftəlik Çiz və Mak adlı iki hind toyuğunu əfv edib. Milli Hind Quşu Federasiyası tərəfindən təşkil edilən mərasimdə Barak Obama Amerika xalqını Şükranlıq Günü münasibətilə təbrik edib və hind quşunun rəmzi mənada əfv edilməsi qərarına gəlib.

Quşlar əfv ediləndən sonra turistlərə nümayiş olunmaq üçün Virciniya ştatının Lizburq şəhərinə aparıblar.

Rəşid Mustafazadə

Ölkə.Az