"Ukraynanı NATO-ya qəbul etməyəcəklər"

"Ərazisində silahlı münaqişələr yaşanan dövlətlər alyansa daxil edilə bilməz"

Ölkə.Az "РИА Новости"-yə istinadən xəbər verir ki, özünü müstəqil elan etmiş Donetsk xalq respublikasının təhlükəsizlik şurasının katibi Aleksandr Xodakovskiy bəyanatla çıxış edib.

Xodakovskiy Ukraynanın NATO-ya üzv olması məsələsinə toxunaraq, bunun mümkünsüz olduğunu bildirib. Onun fikrincə, ölkənin cənub-şərqində baş verən hadisələrlə əlaqədar olaraq Ukrayna NATO-ya qəbul edilə bilməz.

"NATO-nun nizamnaməsinə görə, ərazisində silahlı münaqişələr yaşanan dövlətlər alyansa daxil edilə bilməz", - deyə, Aleksandr Xodakovskiy qeyd edib.

Xatırladaq ki, mayın 11-də Ukraynanın Donetsk və Luqansk vilayətlərində regionların statusu barəsində referendum baş tutmuşdu. Həmin dövrdə Donetsk xalq respublikası özünü müstəqil dövlət elan etmişdi.

Rəşid Mustafazadə

Ölkə.Az