Makron Trampı və xanımını Parisə dəvət etdi

"Ölkə.Az" xəbər verir ki, söhbət əsnasında Makron amerikalı həmkarını və onun xanımını 14 iyul milli bayram münasibətilə Parisə dəvət edib.

 

Fransa dövlət başçısı Trampı və onun xanımını 14 iyul paradına dəvət etdiyini təsdiqləyib. Makronun sözlərinə görə bu il tədbir birinci dünya müharibəsində fransız ordularına kömək edən ABŞ-ın müharibəyə qoşulmasının 100 illiyi şərəfinə keçiriləcək.

 

Prezidentlər qonaq tribunasında əyləşəcəklər. Burada Fransa rəhbərləri hər il Yelisey Çölündə başlayıb Razılıq meydanında bitən paradı qəbul edirlər.

 

14 iyul milli bayramı Fransanın əsas dövlət bayramıdır. Bayram 1880-ci ildən qeyd edilir və 1789-cu il Böyük Fransa burjua inqilabı şərəfinə keçirilir.