Venesuela ali məhkəməsi baş prokurorun hesablarını dondurdu
Venesuelada siyasi böhran davam edir.
"Ölkə.Az" xəbər verir ki, ali məhkəmə baş prokurorun ölkədən çıxışına qadağa qoyub və bank hesablarını dondurub.
Venesuelanın baş prokuroru Luisa Orteqa Dias 4 iyul tarixində ifadə vermək üçün məhkəmə qarşısına çıxacaq. Bundan başqa ona ölkəni tərk etmək qadağan edilib. Eyni zamanda baş prokurorun bank hesabları dondurulub.
Dias vəzifəsindən sui-istifadədə və ciddi nöqsanlarda ittiham edilir. Son dövrlər baş prokuror prezident Nikolas Maduronun siyasətinə qarşı çıxış edirdi və məhkəmənin 8 üzvünün işdən alınmasını tələb edirdi.
Qeyd edək ki, Venesuelada hökumətə qarşı çıxışlar aprel ayından başlayıb.
Hikmət
Ölkə.Az
