Olimpiya oyunlarının hansı talismanları olub?
Digər oyunlarda hansı talismanlar olub?
Bir neçə gün öncə Ceyran və Nar ilk dəfə olaraq keçiriləcək Bakı 2015 Avropa oyunlarının rəsmi simvolları (maskotları) kimi təqdim olundu. Bu cütlük Bakı 2015-in təbliğatında brend rolunda çıxış edərək bütün dünyada birinci Avropa Oyunlarının simvoluna çevriləcək.
Təqdim edilməsi ilə yanaşı Ceyran və Nar geniş müzakirələrə səbəb oldu. Bəzilər bu talismanları ağız dolusu təriflədi, digərləri isə yersiz və mənasız adlandıraraq tənqid atəşinə tutdular. Bəs görəsən, Bakı 2015 Avropa oyunlarına qədər keçirilmiş mötəbər idman yarışlarının talismanları necə olub?
Ölkə.Az olaraq 1972-ci ildən Olimpiya Oyunlarının talismanları rolunda çıxış etmiş simvolları təqdim edirik:
1. Valdi taksası. 1972-ci il, Yay Olimpiya oyunları, Münhen, Almaniya. Bu ilk rəsmi Olimpiya talismanıdır.
2. "le schuss“ 1968-ci ildə Fransanın Qrenoble şəhərində keçirilmiş Qış Olimpiya oyunlarının qeyri-rəsmi talismanı.
3. Qunduz Amik. 1976, Yay Olimpiya oyunları, Monreal, Kanada.
4. Şneyeman (Qar adam". 1976-cı il, Avstriyanın İnsbruk şəhərində keçirilmiş Qış Olimpiya Oyunlarının talismanı.
5. Mişa. 1980-ci ildə Rusiyanın paytaxtında keçirilmiş Yay Olimpiya oyunlarının talismanı.
6. Yenot Roni. ABŞ, Leyk Plesidedə 1980-ci ildə keçirilmiş Qış Olimpiya oyunlarının talismanı.
7. Adler Sem. 1984-cü ildə ABŞ-ın Los-Anceles şəhərində keçirilmiş Yay Olimpiya oyunlarının talismanı.
8. Kobi. 1992-ci ildə Barselonada keçirilmiş Yay Olimpiya oyunlarının talismanı.
9. Fuva (Uğurun övladları). Pekində 2008-ci ildə keçirilmiş Yay Olimpiya oyunlarının talismanları.
10. Rio de Janeyroda 2016-cı ildə keçiriləcək Yay Olimpia oyunlarının talismanları.
Bu isə ilk dəfə olaraq Bakıda keçiriləcək Avropa 2015 oyunlarının talismanları.
Ceyran ölkədə təbii gözəlliyin, zərifliyin və saflığın simvoludur. O, Azərbaycanda qorunan heyvan növlərindən biridir. Nar isə günəşi sevən, Göyçay şəhərində bitən meyvədir. Həyat eşqi və enerji ilə aşıb-daşan Nar yeni idman növlərində iştirak etməyi sevir və Avropa Oyunları tədbirinə qoşulacaq. Ümumiyyətlə, Nar Azərbaycan folklorunda birliyi tərənnüm edir.
Rəşid Mustafazadə
Ölkə.Az
