İsrail-Suriya münasibətlərində gərginlik

"Ölkə.Az" xəbər verir ki, İsrail bu raketə qarşılıq olaraq Suriyaya hücum edib. İsrail ordusunun mətbuat katibi Aviçay Adra məlumat verib. Məlumata əsasən Suriya ərazisindən atılan raket Qolan təpələrinə düşüb. Raket zərbəsi nəticəsində insan tələfatı olmasa da İsrail ordusu Əsəd rejiminə aid nöqtələrə hücum edib. Amma hücumun hansı silahlarla həyata keçirildiyi barədə məlumat verilmir.

İsrailin baş naziri Binyamin Netanyahunun mətbuat xidmətindən verilən yazılı açıqlamada isə Qolan Təpələrindəki yəhudi yaşayış məntəqəsində baş nazirin çıxışı zamanı Suriya tərəfindən raket atıldığı iddia edilib. Netanyahu bildirib ki, Suriyadakı torpaqlardan İsrailə atəş açılmasına icazə verilməyəcək: "Bizə hücum edənlərə hücum edərik. Siyasətimiz budur və belə də davam edəcəyik".

Qeyd edək ki, Suriya tərəfi mövzu ilə bağlı açıqlama verməyib.

Hikmət
Ölkə.Az