QNET kimsəsiz uşaqları sevindirdi

Qlobal şirkət olan QNET-in işçi heyəti və müstəqil nümayəndələri uşaqlara hər bir uşağın arzusu olan futbol, voleybol və basketbol topları, oyun meydançası, basketbol səbəti, badminton, su kuleri və bir sıra digər maraqlı hədiyyələr təqdim etdi. Hədiyyələri görər görməz ab-hava dəyişdi. Böyüklər də özünü uşaq kimi hiss edib, uşaqlarla oynadılar. QNET-in Sağlam Həyat devizi altında keçirilən bu xeyriyyə tədbiri uşaqlar üçün tam yerinə düşdü. Sanki şirkət uşaqların qəlblərini oxumuşdur. QNET heyəti və könüllülər səbət və badminton torlarnın quraşdırılmasına, həmçinin oyun meydaçasında xüsusi oturacaqlar və su dispenserlərinin quraşdırılmasına köməklik göstərdilər.

Musiqi ilə müşayiət olunan yarışlar keçirildi. Yarışlardan biri topu basketbol səbətinə atmaqdan ibarət idi. Nisbətən, azyaşlı uşaqlar üçün digər oyunlar keçirildi. Qaliblər xüsusi hədiyyələrlə təltif olundu. Bununla şirkət uşaqların idmana həvəslərini oyatmağa çalışdı. QNET ümid edir ki, ÜMİD YERİ-də yaşayan uşaqlardan möhtəşəm futbolçu, basketbolçu və voleybolçular yetişəcək. Şən klounlar və cizgi filmlərindən ibarət personajların xüsusi yeri var idi. Şirkət yardıma möhtac olan bu sevimli balaları heç vaxt tək buraxmayıb, buraxmayacaq da və bu cür tədbirləri davam etdirəcək.

Qeyd edək ki, Ümid Yeri Uşaq Evi Bakı və ona yaxın şəhərlərdən tərk edilmiş, küçədə yaşayan evsiz uşaqlar üçün sığınacaqdır. Bu, Azərbaycanda bu tipdə yaradılmış ilk təşkilatdır və onların əsas məqsədi xilas edilmiş uşaqlara sevgi və sevinc dolu bir həyat bəxş etməkdir. QNET müxtəlif fəaliyyətlərdə onlarla əməkdaşlıq edərək, az da olsa bu məqsədin həyata keçirilməsinə öz töhfəsini verir..

Ölkə.Az