Ucarda 10 yaşlı uşağın asılmış halda meyiti tapıldı
Ucar rayonunda azyaşlının meyiti ağacdan asılı vəziyyətdə tapılıb.
"Ölkə.Az"ın APA-ya istinadən xəbərinə görə, hadisə rayonun Alpı kəndində baş verib.
Kənd sakini, 2007-ci il təvəllüdlü Vaqif Aqşin oğlu Quliyevin meyiti yaxınları tərəfindən həyətdəki xurma ağacından asılı vəziyyətdə aşkarlanıb.
Rayon hüquq-mühafizə orqanlarından APA-ya verilən məlumata görə, V. Quliyev ağacda quraşdırılmış yelləncəkdə yellənərkən kəndir boğazına dolanıb və uşaq boğularaq ölüb.
Faktla bağlı rayon prokurorluğunda araşdırma aparılır.