Avstraliya kiber ordu qurur

"Ölkə.Az" xəbər verir ki, yaxın günlərdə Avstraliya ordusunda yeni xüsusi bölmə fəaliyyətə başlayacaq. Yeni qurum kiber müharibə və xarici hakerlərlə mübarizə məqsədi ilə qurulub.

Məlumata əsasən yeni şöbə müdafiə sahəsində mərkəzi yerlərdən birini tutacaq və ölkənin hərbi obyektlərini haker hücumlarından qoruyacaq. Bundan başqa, bölmə təhlükə halında xarici silahlı qüvvələrə hücum əməliyyatı da hazırlayacaq.

İlkin mərhələdə şöbəyə 100 hərbçi və dövlət qulluqçusu cəlb ediləcək. Növbəti 10 il ərzində isə əməkdaşların sayı 900 nəfərə qədər artırılacaq.

Avstraliyanın kiber təhlükəsizlik üzrə naziri Den Texan bəyan edib ki, xarici hakerlərə qarşı mübarizə aparmaq üçün belə bir addım atılıb.

Hikmət
Ölkə.Az