Rusiyadan Parisə Yeni il surprizi

Rusiya Ukrayna böhranı və “Mistral” tipli döyüş gəmilərinin təslim edilməməsinə görə Fransaya surpriz hazırlayıb.

Moskva əlaqələrin gərgin olduğu bir vaxtda Fransaya Yeni il ağacı hədiyyə edib. Ağac Parisdə yerləşən dünyaca məşhur Məryəm Ana kilsəsinin önündə quraşdırılacaq.

Rusiyanın Fransadakı səfiri Aleksandr Orlov mətbuata verdiyi açıqlamada bu Yeni il surprizinin iki ölkə arasında yaranan siyasi gərginliyinə su səpəcəyini və dostluq əlaqələrinin korlanmasına imkan verməyəcəyini deyib.

Xatırladaq ki, Paris rəhbərliyi dünyaca məşhur bu kilsənin qarşısında Yeni il yolkasının quraşdırılması üçün lazımi 80 min avro toplaya bilməmişdi. Məhz bu səbəbdən Rusiya yolka hazırlanmasını təxirə salan Paris rəhbərliyinə yolkanı hədiyyə edib. (axar.az)

Ölkə.Az