Şəkidə teplovoz minik avtomobilini vurub: sürücü xəsarət alıb
Ölkə.Az APA-ya istinadən xəbər verir ki, hadisə bu gün saat 16:30 radələrində Yevlax-Balakən dəmir yol xəttinin Şəki rayonu Cəfərabad kəndi ərazisindən keçən hissəsində baş verib.
1954-cü il təvəllüdlü, Şəki rayonu Əliyar kənd sakini Əzim Süleyman oğlu Abdullayev idarə etdiyi “VAZ 2106” markalı 10 MR 159 dövlət nömrə nişanlı minik avtomobili ilə dəmir yol xəttinin qorunmayan keçidini keçmək istəyən zaman xətlə hərəkət edən teplovoz tərəfindən vurulub.
Qəzadan sonra minik avtomobilinin sürücüsü Əzim Süleymanov Şəki Mərkəzi Rayon Xəstəxanasına (MRX) aparılıb.
Müalicəsi xəstəxananın cərrahiyə şöbəsində aparılan Əzim Süleymanova qarının küt travması və qapalı kəllə-beyin travması diaqnozu qoyulub, vəziyyəti orta-ağır qiymətləndirilir.
Faktla bağlı araşdırma aparılır.
