Piyadanı vurmadı, üç maşını əzdi
Bu gün günorta saatlarında Salyan şəhərinin mərkəzində 4 avtomaşının toqquşması ilə nəticələnən zəncirvari qəza baş verib.
Ölkə.Az-ın Virtualaz.org-a istinadən məlumatına görə, T.Xəlilbəyli küçəsi ilə hərəkətdə olan 19 BA 898 dövlət nömrə nişanlı “VAZ-2106” markalı avtomaşın qəfildən idarəetməni itirərək yolun kənarında dayanmış “Mercedes-C” , “Daewoo” və daha bir “Mercedes-cupe”yə çırpılıb.
Hadisə nəticəsində “06”nın sürücüsü 63 yaşlı Həsənqulu Axundov bədən xəsarətləri aldığından Salyan Mərkəzi Rayon Xəstəxanasına aparılıb.
Sürücünün bildirdiyinə görə, o, qarşısına çıxmış piyadanı vurmamaq üçün manevr etmək istədikdə idarəetməni itirərək yolun kənarında dayanmış 3 maşını vurub.
Faktla bağlı araşdırmalara başlanılıb.
