Çində sel 15 nəfərin ölümünə səbəb oldu
Çinin cənubunda yağan leysan yağışları daşqınlara səbəb olub.
"Ölkə.Az" xəbər verir ki, Quansi-Çjuan rayonunda sel suları nəticəsində 15 nəfər həlak olub.
Çin mətbuatının xəbərinə görə Tsyuançjou qəzasında isə 9 nəfər itkin düşüb. Aramsız yağan leysan yağışları 600 evin dağılmasına və 17 min hektar əkin sahəsinin məhv olmasına səbəb olub. Fəlakət zonasında 250 min adam var. Təbii fəlakət nəticəsində bölgəyə 215 milyon dollar ziyan dəyib.
Fəlakət zonasından 38 min sakin təxliyyə edilib. Bəzi məktəblərdə müvəqqəti sığınacaqlar hazırlanıb. Bazar günü Çin hökuməti bəyan etdi ki, ölkənin cənubunda son günlər yağan leysan yağışları nəticəsində 60-dan çox çayın su səviyyəsi kritik həddə qədər artıb.
Hikmət
Ölkə.Az
