“Kaspi” Təhsil Şirkəti Musiqili Teatra minnətdarlıq etdi

Bu günlərdə “Kaspi” Təhsil Şirkətinin kollektivi Azərbaycan Dövlət Musiqili Teatrında Oqtay Kazimi və Ramiz Heydərin “Qızıl toy” tamaşasını izləyib.

Yüksək səviyyədə hazırlanmış tamaşadan, peşəkar aktyor oyunundan hədsiz zövq alan şirkət əməkdaşları belə bir gözəl repertuara malik olduğu üçün teatrın rəhbərliyinə təşəkkür edib.

Bu münasibətlə mərkəzin rəhbəri Elnur Əliyev Azərbaycan Dövlət Musiqili Teatrının direktoru Əliqismət Lalayevə məktub ünvanlayıb.

“Biz - “Kaspi” Təhsil Şirkəti olaraq işçilərimizin istirahəti və inkişafı üçün daim çalışır və bunun üçün bir sıra tədbirlər təşkil edirik. Sizin tamaşanı yüksək qiymətləndirir, bütün kollektivimiz adından Sizə öz minnətdarlığımızı bildiririk. Onu da qeyd etməliyik ki, cəmiyyətimizin mədəni elitasının formalaşmasında rolu olan hər bir vətəndaşımız bizim üçün çox dəyərlidir. Sizə bu şərəfli yolda müvəfəqqiyyətlər arzu edir, əməkdaşlığımızın daimi olmasını diləyirik” deyə məktubda qeyd olunur.

Ağca Muxtarova
Ölkə.az