Tanınmış jurnalist ABŞ-da erməni səfirliyi qarşısında etiraz aksiyası keçirdi
"Ölkə.Az" xəbər verir ki, etiraz aksiyasında izdiham yaşanmasa da, Talıbova və həyat yoldaşı, hətta azyaşlı oğlu da ermənilər əleyinə şüarlar səsləndiriblər.
Çiyinlərinə Azərbaycan bayrağı atan etirazçılar səfirliyin qarşısında üzərinə "Qarabağ Azərbaycanın ayrılmaz hissəsidir", "Qarabağda erməni terroru", "Erməni terrorunu pisləyirik" tipli şüarlar qaldırıblar.
Ən təsirlisi isə Talıbovanın azyaşlı oğlunun əlində dalğalanan "Mən Qarabağlıyam, evimə qayıtmaq istəyirəm" şüarı olub.
Qeyd edək ki, iki gün əvvəl erməni terrorçularının açdığı atəş nəticəsində şəhid olan iki yaşlı Zəhranın ölümündən sonra Amerikada yaşayan bir qrup azərbaycanlı bu addımı atmaq qərarına gəliblər. Onlar yerli amerikalılara da erməni terroru, Qarabağ münaqişəsi barədə məlumat veriblər.
Hikmət
Ölkə.Az