ABŞ-ın yeni bəyanatı: "Şimali Koreyaya hərbi müdaxilə etməyə hazırıq"
ABŞ ehtiyac duyulsa Şimali Koreyaya hərbi müdaxilə etməyə hazırdır.
"Ölkə.Az" xəbər verir ki, bu fikir ABŞ-ın BMT-dəki daimi nümayəndəsi Nikki Heyliyə məxsusdur.
Nikki Təhlükəsizlik Şurasının iclasında çıxış edərkən qeyd edib ki, Pxenyan məsələnin diplomatik həll imkanlarını bağlayır: "Bizim imkanlarımızdan biri hərbi müdaxilədir. Əgər ehtiyac yaransa, biz hərbi gücümüzdən istifadə edəcəyik. Amma bu istiqamətdə hərəkət etmək istəmirik".
Bundan başqa diplomat bildirib ki, rəsmi Vaşinqton Pxenyana qarşı yeni sanksiya paketi hazırlayır. Şimali Koreyaya təzyiq vasitələrindən biri də Pxenyanla əməkdaşlıq edən dövlətlərə qarşı sanksiya tətbiq etmək ola bilər. ABŞ Pxenyana təzyiq etmək üçün Çinlə əməkdaşlığa hazırdır: "Biz Çinlə, sülhə inanan istənilən dövlət ilə əməkdaşlıq edəcəyik".
Hikmət
Ölkə.Az
