Avropa İttifaqı 13 nəfəri "qara siyahıya" saldı

Qara siyahıya" 13 fiziki şəxsdən başqa daha 5 müəssisə daxil edilib.

Ölkə.Az Rosbalt agentliyinə istinadən xəbər verir ki, Avropa İttifaqının şurası özünü elan etmiş Donetsk və Luqansk xalq respublikalarının 13 yaraqlısına qarşı sanksiyaların tətbiqini təsdiq edib.

Bu barədə məlumat Avropa İttifaqının qanunverici orqanının rəsmi saytında yerləşdirilən bəyanatda yayılıb. Məhdudlaşdırıcı tədbirlər Avropa İttifaqının rəsmi jurnalında dərc edildikdən sonra qüvvəyə minəcək.

Avropalı rəhbərlər Ukraynanın şərqində fəaliyyət göstərən yaraqlılara qarşı məhdudlaşdırıcı tədbirlərin həyata keçirilməsi barədə Avropa İttifaqı şurasının təklifi ilə razılaşıblar. Qeyd olunur ki, "qara siyahıya" 13 fiziki şəxsdən başqa daha 5 müəssisə daxil edilib. Rəsmi Brüssel sanksiyalar siyahısına daxil edilən yeni şəxsləri Ukraynanın ərazi bütövlüyünə qarşı aksiyalarda iştirak etməkdə günahlandırıb. RBK-nın yaydığı məlumata görə, sözügedən müəssisələrin Aİ-dəki aktivləri dondurulacaq və fiziki şəxslərə qarşı viza məhdudiyyəti tətbiq ediləcək.

Ümumillikdə isə Brüsselin Ukraynanın ərazi bütövlüyünə qarşı aksiyalarda iştirak etməkdə günahlandırdığı üçün "qara siyahıya" salınan şəxslərin sayı 132-ə çatıb. Onlardan 28 nəfər fiziki şəxs hesab olunur.

Rəşid Mustafazadə

Ölkə.Az