İbrahim Məmmədovdan cəbhədəki hadisələrə

"Ölkə.Az" xəbər verir ki, bu fikirləri tanınmış televiziya icmalçısı İbrahim Məmmədov bildirib. O, qeyd edib ki,  Ermənistan ordusunun dinc sakinlərə hücumu və bəzi başqa məqamlar Azərbaycanın həyata keçirməyə çalışdığı, Avropanın da maraqlarına cavab verən iri layihələrə hücum kimi dəyərləndirilməlidir:

"Azərbaycan Prezidenti hazırda bütövlükdə Avropa qitəsində gedən mühüm proseslərə ciddi təsir göstərmək gücündədir və bu səfər göstərdi ki, İlham Əliyev bu gücü ehtiyatla tətbiq etməkdədir. Prezidentin bu səfəri zamanı qlobal geoiqtisadi, regional və milli aspektdən çox mühüm məsələlər müzakirə olundu. Ermənistan bu layihələrin qarşısını almaq üçün əslində Prezident İlham Əliyevə təzyiq göstərməyə çalışır. İyulun 4-də Ermənistan ordusunun dinc sakinlərə hücumu və bəzi başqa məqamlar Azərbaycanın həyata keçirməyə çalışdığı, Avropanın da maraqlarına cavab verən iri layihələrə hücum kimi dəyərləndirilməlidir. İyunun son günlərində Prezident İlham Əliyevin Polşaya səfəri zamanı müzakirə olunmuş məsələlər Ermənistanı qlobal layihələrdən kənarda qoyacaq, Azərbaycanın isə mövqeyini gücləndirəcək. Polşa prezidenti demişdi ki, Polşadan yüklərin Ukrayna-Gürcüstan-Azərbaycan marşrutu ilə daşınmasını istəyirlər. 

İkincisi, Polşa prezidenti vurğulamışdı ki, beynəlxalq məsələlər, dünyadaki vəziyyət, Trampın Polaşaya səfəri məsələləri də müzakirə edilib. Ən əsası Polşa Prezidenti "mövqelər üst-üstə düşür" dedi. Bu mənada Ermənistanın bu hücumu Azərbaycanla Şərqi Avropa dövlətlərinin, Azərbaycanla bütövlükdə Avropanın və Avropa ilə Çinin qısa marşurutla, Ermənistanı kənarda qoymaqla əlaqələrinə hücumdur. Ermənistan Azərbaycanın Şərqi Avropanın əsas dövləti ilə əlaqələrinə hücum etməklə əslində ABŞ-ın da maraqlarına hücum etmiş olur. Əsas iştirakçılar məsələnin nə qədər ciddi olduğunu və Ermənistanın hansı oyunlarda iştirak etdiyini gözəl bilirlər".