Suriya sakinləri İŞİD-çilərə pivə satır

İŞİD-in əcnəbi terrorçuları ölkənin iqtisadiyyatını diqtə edirlər

Ölkə.Az "Financial Times"-a istinadən xəbər verir ki, bir hissəsi İŞİD terror təşkilatı tərəfindən işğal olunan Suriyanın sakinləri özlərini təmin etmək üçün terrorçulara pivə, çips və şokolad satmağa başlayıblar.

Onların fikrincə, nifrət etdikləri islamçıların zövqünü oxşamaq ən yaxşı strategiyadır. Yerli sakinlər bildirir ki, döyüşçülərin dad zövqləri onların iqtisadiyyatını formalaşdırır.

"İŞİD-in əcnəbi terrorçuları ölkənin iqtisadiyyatını diqtə edirlər. Qalan hər şey sıfırdadır", - deyə sakinlərdən biri, Rakka şəhərində paltar dükanının satıcısı olan Saleh adlı şəxs bildirir.

ABŞ və koalisiya qevvələrinin İŞİD mövqelərini bombardman etməsinə baxmayaraq, təşkilat Suriyada yeni əraziləri tutmağa davam edir. Obama islamçıların gücünü düzgün qiymətləndirmədiyini etiraf etmişdi. İŞİD təşkilatı "Əl-Qaidə"-nin dövründən ən qüdrətli terrorçu qruplaşma hesab olunur.

Rəşid Mustafazadə

Ölkə.Az