Putinə sərfəli təklif etdi

“Azərbaycan-Rusiya münasibətlərinin inkişaf etdirilməsində əsas həlledici vasitə məhz Dağlıq Qarabağ münaqişəsinin həll edilməsi ola bilər”.

Bu sözləri “Rusiya qlobal siyasətdə” jurnalının baş redaktoru Fyodor Lukyanov deyib.

“Münaqişənin indiki həll yolundan əldə oluna biləcək maksimum nəticə kövrək və davamlı olmayan “status-kvo”nun saxlanması ola bilər. Xarici qüvvələr də münaqişənin həllindən daha çox “status-kvo”nun saxlanmasına və vəziyyətin dərinləşməməsinə çalışırlar. Halbuki Ukrayna məsələsi bir daha göstərdi ki, münaqişənin həllinin uzadılması sonda ağır nəticələr verə bilir”, - deyə politoloq əlavə edib.

O həmçinin qeyd edib ki, son illərdə baş verən hadisələr göstərir ki, Rusiya münasibətləri “zədələnmiş” ölkələrə ikiqat artıq maraq göstərməlidir: 

“Qarşılıqlı əməkdaşlıq potensialı tam istifadə olunmayan ölkələrlə münasibətləri yaxşılaşdırmaq üçün nə isə etmək lazımdır. Bu baxımdan Azərbaycan Rusiya ilə əməkdaşlığa daha çox hazırdır və Rusiya artıq buna böyük diqqət ayırmalıdır”. (anspress)

Ölkə.Az