Kooperasiya universitetinin binasında yanğın baş verib

 "Ölkə.Az"ın hadisə yerində olan müxbiri Səxavət Məmməd bildirir ki, tüstüdən zəhərlənən 3 abituriyent təcili tibbi yardım maşını ilə xəstəxanaya göndərilib.

***

Ziya Bünyadov prospektində yerləşən Kooperasiya universitetinin binasında yanğın baş verib.

"Ölkə.Az" xəbər verir ki, yanğın təhsil ocağının  idman zalında qeydə alınıb.

Əraziyə təcili tibbi yardım maşınları və yanğından mühafizə idarəsinin əməkdaşları cəlb edilib. Yanğınsöndürənlər alovu ram etməyə çalışırlar. İdman zalının əlverişsiz yerdə yerləşməsi yanğınsöndürən maşınların hərəkətinə mane olur. Bu səbəbdən də yanğını tam söndürmək mümkün olmayıb.

Yeri gəlmişkən bu gün ali məktəblərə I və IV ixtisas üzrə qəbul imtahanı keçirilir. Yanğın zamanı yaranan tüstü isə Kooperasiya universitetində imtahan verən abuturiyentlərdə narahatçılıq yaranıb. Abuturiyentlərdən əlavə universitetin binasının qarşısında övladlarını gözləyən valideyinlər narazılıq edirlər. Valideyinlərlə polislər arasında mübahisə yaranıb. Bəzi valideyinlər imtahanın dayandırılmasını, bəziləri isə uşaqlarının imtahandan çıxarılmasını tələb edirlər.

Hazırda yanğın baş verən əraziyə əlavə yanğınsöndürən maşınlar cəlb edilir.

Yanğınla bağlı əlavə məlumatları diqqətinizə çatdırcağıq.

Səxavət Məmməd
Ölkə.Az

***

Ziya Bünyadov prospektini qatı duman qatı bürüyüb.

"Ölkə.Az" xəbər verir ki, adıçəkilən ünvanda yerləşən Kooperasiya institutunun binyasında yanğın baş verib.

Hazırda əraziyə təcili tibbi yardım maşınları və yanğından mühafizə idarəsinin əməkdaşları cəlb edilib. Yanğınsöndürənlər alovu ram etməyə çalışırlar.

Müxbirimiz ərazidədir. Bir azdan daha ətraflı məlumat veriləcək.

Hikmət Həsənov
Ölkə.Az