Antalyada otel yanğını
Antalyanın Kəmər rayonunda 5 ulduzlu bir oteldə yanğın baş verib.
"Ölkə.Az" xəbər verir ki, 400 nəfər turist təxliyyə edilib. Dumandan zəhərlənən 4 rus və 10 türk vətəndaşı xəstəxanalara yerləşdirilib. Bildirilir ki, onların vəziyyəti normaldır.
Hadisə Kəmərin Göynük bölgəsində baş veri. Səhər saatlarında 5 ulduzlu otelin mətbəxində naməlum səbəbdən yanğın başlayıb. Otel rəhbərliyinin müvafiq qurumlara xəbər verməsindən sonra Antalya bələdiyyəsinə aid bir çox yanğınsöndürən əraziyə cəlb edilib. Balkonlarda gözləyən turistlər nərdivanlar vasitəsilə aşağı endirilib.
Hikmət Həsənov
Ölkə.Az
