Venesuelada iğtişaşlar davam edir

"Ölkə.Az" xəbər verir ki, sutka ərzində 13 nəfər həlak olub. Ölənlər arasında polis əməkdaşları da var.

Təsisçi Şuraya üzvlüyə namizəd Joze Feliks Pineda və "Demokratik fəaliyyət" müxalifət partiyasının katibi Rikardo Kampos da ölənlər arasındadır.

30 iyul tarixində Venesuelada Təsisçi Şuraya seçkilər keçirilib. Namizədlər arasında müxalifətin heç bir nümayəndəsi olmayıb. Ölkənin vitse-prezidenti çıxış edərək bildirib ki, seçkilərdə vətəndaşların "rekord" sayda iştirakı müşahidə edilib. Diosdado Kabelyo eyni zamanda qeyd edib ki, 72 saat sonra Təsisçi Şura işə başlayacaq.

Qeyd edək ki, Venesuela müxalifəti bəyan etmişdi ki, seçicilərin 90 %-i seçkilərdə iştirak etməkdən imtina ediblər.

Hikmət Həsənov
Ölkə.Az