Azərbaycan snayperləri öz ustalıqlarını nümayiş etdirəcəklər
“Beynəlxalq Ordu Oyunları - 2017” çərçivəsində Qazaxıstanın Otar hərbi bazasında keçirilən “Snayper həddi” müsabiqəsində silahların qəbulu və atışlara hazırlıq işləri yekunlaşıb.
"Ölkə.Az" xəbər verir ki, bu barədə Müdafiə Nazirliyinin mətbuat xidməti məlumat yayıb.
Yarışlarda iştirak edən Azərbaycan Silahlı Qüvvələrinin snayperləri SVD-S silahından atəş açmaqla öz ustalıqlarını nümayiş etdirəcəklər.
Qeyd edək ki, yarışlarda 17 ölkənin komandası iştirak edir.
Qazaxıstanda keçiriləcək yarışlar avqustun 1-dən 9-dək davam edəcək.
