Ermənistanda əhalinin sayı getdikcə azalır

"Ölkə.Az" xəbər verir ki, 2017-ci ilin 1 iyul tarixində əhalini siyahıya alma prosesi başa çatdıqdan sonra məlum olub ki, hazırda Ermənistanda daimi yaşayan 2.979.9 min əhali yaşayır. Bu barədə ölkənin milli statistika xidməti məlumat yayıb.

1 iyul 2017-ci il tarixinə olan rəqəmlərlə ötən ilin rəqəmlərini müqayisə edəndə 15.2 min nəfərin azaldığı müşahidə edilir. 2017-ci ilin 1 yanvar tarixindən ölkə əhalisi 6.2 min nəfər azalıb.

Xidmətin məlumatına əsasən Ermənistanda şəhər əhalisinin sayı 1.898 min nəfərdir. Burada da 7.7min nəfər azalma var. Şəhər əhalisinin 1.075.1 min nəfəri İrəvandadır. Kənd sakinlərinin də əhalisi 7.5 min nəfər azalaraq1.081.9 min nəfər təşkil edib.

2017-ci ilin yanvar-iyun ayları arasında doğuş sayı da 6.6 faiz azalaraq 17.169 nəfərə düşüb. Bununla yanaşı ölüm halları 2.1 faiz artaraq 14.709 nəfər təşkil edib.

Qeyd edək ki, 1970-ci illərdən bu yana ilk dəfədir ki, Ermənistan əhalisinin sayı 3 milyondan az olub.

Hikmət Həsənov
Ölkə.Az