Qonşusunun evini taladı
Masallıda oğurluq hadisəsi baş verib.
Masallı Rayon Polis Şöbəsinin (RPŞ) müstəntiqi Azər Bəhmənovun verdiyi məlumata görə, hadisə rayonun Ağakişibəyli kəndində qeydə alınıb.
Bakı şəhəri, Hövsan qəsəbəsində qeydiyyatda olan və hazırda Masallının Abbasbəyli kəndində müvəqqəti yaşayan, əvvəllər məhkum olunmuş 1973-cü il təvəllüdlü Eldar Tofiq oğlu Şahbazov tamah məqsədilə qonşusu Bəybala Fətulla oğlu Fətullayevin evinə daxil olaraq, mənzildəki sandıqda saxlanılan qızıl-zinət əşyalarını və 180 manat manat pulu götürüb. Nəticədə zərərçəkmişə ümumilikdə 1685 manat dəyərində maddi ziyan vurub.
Həyata keçirilən əməliyyat-axtarış tədbirləri nəticəsində E. Şahbazov saxlanılıb və istintaq orqanlarına təhvil verilib. Onun oğurladığı qızıl-zinət əşyaları və pul isə maddi sübut kimi götürülüb.
Faktla bağlı Masallı RPŞ-də Cinayət Məcəlləsinin 177.2.3 və 177.2.4-cü maddələri ilə cinayət işi açılıb, araşdırma davam etdirilir. (APA)
Ölkə.Az
