Bakıda qeyri-adi bina
Paytaxt Bakıda bir bina var ki, o, görkəminə görə digərlərindən seçilir. Binanın özü köhnə tikili olsa da, sarmaşıqla örtüldüyünə görə maraqlı görünüşü var və diqqət çəkir.
Ölkə.Az bu barədə xəzərxəbər-ə istinadən məlumat verir.
Paytaxtın Sübhi Salayev küçəsində yerləşən tikili görənlərin diqqətini cəlb edir.
Binanı sarmaşığa bürüyən buradakı mənzillərin birində yaşayan 80 yaşlı Zaur Rəcəbovdur.
Bağbanın israrına baxmayaraq, Zaur Rəcəbov sarmaşığı əkdikdən sonra bitki xeyli inkişaf edərək genişlənib və binanı ağuşuna alıb. Dediyinə görə, əkdiyi ilk dövrlər sarmaşığa su verib. Bitki böyüdükcə ona xüsusi qulluq göstərməyib. Buna baxmayaraq, sarmaşıq ildən-ilə daha da böyüyür.
Zaur Rəcəbov binanı öz əsəri hesab edir. Deyir ki, hər dəfə binaya baxanda xeyli fərəhlənir.
Zaur Rəcəbov deyir ki, şəhərdəki binaların çoxunu belə bəzəməklə onlara xüsusi gözəllik qatmaq olar.
