Hindistanda ildırım 35 nəfərin ölümünə səbəb oldu
Hindistanın Orissa ştatında ildırım kütləvi insan tələfatına səbəb olub.
"Ölkə.Az" xəbər verir ki, təbiət hadisəsi nəticəsində 35 nəfər həlak olub, 18 nəfər isə xəsarət alıb.
Əvvəlcə 14 nəfərin həlak olduğu, 6 nəfərin isə xəsarət aldığı barədə məlumat verilmişdi. Bazar günü təbii fəlakət ölkənin şimali-şərq əyalətlərini cənginə alsa da, sonradan ucqar vilayətlər də təbii fəlakətə təslim oldu.
Həftənin bazar ertəsi Sambalpur və Kataka vilayətlərinin hər birində 3 nəfəri ildırım vurub. Kataka vilayətinin Ataqad şəhərində ildırım 8 nəfərlik tələbəni vurub. Xəstəxanaya yerləşdirilən tələbələr müalicədən sonra evə buraxılıblar.
Qeyd edək ki, hər il Hindistanda ildırım yüzlərlə insanın ölümünə səbəb olur.
Hikmət Həsənov
Ölkə.Az
