Türkiyədə tarixi məhkəmə prosesi başladı
Türkiyədə 15 iyul hərbi çevriliş cəhdində mərkəzi baza kimi istifadə edilən və komandirlərin saxlanıldığı Akıncı bazasının məhkəmə prosesi start götürüb.
"Ölkə.Az" xəbər verir ki, Ankara 4-cü Ağır Cinayətlər məhkəməsində başlayan prosesdə 486 müttəhim hakim qarşısında cavab verəcək.
Müttəhimlər məhkəmə salonuna gətirilib. Tək-tək gətirilən məhkumların sırasında birinci yerdə "mülki imam" kimi tanınan Kemal Batmaz və arxasında general Akın Öztürk olub.
Məhkəmə 29 avqusta qədər davam edəcək. Bu səbəbdən Sincan həbsxanası ətrafında geniş təhlükəsizlik tədbirləri görülüb. Polis və jandarma təhlükəsizliyə görə cavabdehlik daşıyır. Təhlükəsizlik nöqtələrində prosesi izləməyə gələnlər tək-tək yoxlanılıb. Həbsxananın damına snayperlər yerləşdirilib. Jandarma PUA-sı daim havada hərəkət edir.
Hikmət Həsənov
Ölkə.Az
