Rusiya-ABŞ münasibətlərində gərginlik artır
ABŞ prezidenti Donald Tramp Rusiya əleyhinə yeni sanksiyaları imzalayıb.
"Ölkə.Az" xəbər verir ki, ABŞ-ın vitse-prezidenti Mayk Pens bu barədə bəyanat verib. Pens bildirib ki, Moskva öhdəliklərini yerinə yetirsə, sanksiyalar ləğv edilə bilər.
Bununla yanaşı Pens əlavə edib: "Biz sanksiyaların ləğvini arzulayırıq. Amma Rusiya üzərinə götürdüyü öhdəlikləri yerinə yetirsə, bu mümkün olacaq. Amma Rusiyanın sonuncu diplomatik addımlarından sonra təəssüf ki, buna inam azalıb".
Qeyd edək ki, Almaniyanın xarici işlər naziri Ziqmar Qabriel bəyan etmişdi ki, Rusiya əleyhinə sanksiyalar imzalamadan əvvəl avropalılarla məsləhətləşəcək. Avropa İttifaqında düşünürlər ki, bu sanksiyalarla Vaşinqton dünya hakimi rolunu üstünə götürür. ABŞ avropalılara nə etmək lazım olduğunu diqtə etmək istəyir.
Hikmət Həsənov
Ölkə.Az
